واشنگٹن،7اپریل(ایس او نیوز؍آئی این ایس انڈیا)ورپی پارلیمان نے یوکرائنی شہریوں کو بغیر ویزا حاصل کیے یورپی یونین آنے کی اجازت دینے کا قانون منظور کر لیا ہے۔ یورپی پارلیمان میں ویزے میں نرمی کے ان قوانین کے حق میں 521 جب کہ مخالفت میں 71 ارکان نے ووٹ ڈالے۔ ویزے کی شرط ختم ہونے کے باوجود یوکرائنی باشندوں کو یورپ میں کام کرنے کی اجازت نہیں ہو گی۔ تاہم بائیو میٹرک پاسپورٹ کے حامل یوکرائنی شہری نوے دن کے لیے یورپی یونین میں بغیر ویزا حاصل کیے سفر کر سکیں گے۔
